الانسانية....

لمـا تـركب جنـب بنت في مـيكروباص او اتـوبيس حاول علي قد ماتقدر متخليش رجلك لامسة رجلها حتي لو غصب عنك والدنيا زنقة معلش ضم رجلك وايدك علي قد ماتقدر , حط في دماغك انها اختك

لما تبقى راكب اتوبيس وتلاقى بنت واقفه قوم واعدها علشان ميجيش حيوان يحاول يضايقها او يلمسها غير عليها اوى زى ما تكون مراتك او اختك
...
لما تشوف ست كبيره تعبانه اوى من الشيل روح وقلها عنك يماما اوصلك بالشيل ديه ..ربنا هيشيل عنك الذنوب فى يوم الانسان بيشيل الذنوب على ضهره

لما تشوف بنت ((محترمه)) وشباب بتحاول تعكسها بصلهم جامد
علشان تدفع عنها المعاكسه واقف وقفه راجل ليها

لما بنت تحتاج منك حاجه او الظروف تحوجها ليك اديلها الحاجه ديه
بنبل اوى مش تستنى منها ولا ابتسامه ولا كلمه شكر
ولا حتى نظره امتنان قدم الخدمه لوجه الله
ومتحولش انك تتثاقل عليها علشان تاخد منها كلمه حلوة
هى بتبقى محرجه ومش عارفه تقول ايه

على فكره ديه حجات صغيره اوى ربنا بيحبها اوى
ربنا بيحب العفه فى ادق التصرفات