لحظة وجع

بقلم - محمد حمدى

وفي لحظه الدنيا تغييم
ونبضات القلب تزيد
العين تسرح فتشاور
علي وجع القلب اكيد
العقل يتوه ويضلم
يقفل شبابيك وحشاه
فتحس الشخص كإنه
مش فارق حاجه معاه
تايه ومركز جدا
علي بير ف العمق غويط
علي كام شخبطه ع الحيط
علي نقطه ف وسط كتاب
سايب افكاره تعاتب
وترتب الف عتاب
جواه اسرار بالجمله
محدوفه شمال ويمين
وخطوط علي ضهر ملامحه
متنيه بقالها سنين
لا هوعارف يبسط نفسه
ولا حاجه اكيد بسطاه
كل اللي بيسمع منه
بيزيد ف جراحه معاه

» لا تتضايق ◆ عش كل لحظة كأنها أخر لحظة في حياتك
» لحظة صبر
» في اي لحظة انت
» لحظة حب
» لحظة حب ..