المناديل المبللة @@

دى معلومة بسيطة على السريع كده ناس كتير ما تعرفهاش قلت اشاركها معاكو
القصة و كل ما فيها ان ناس كتير مننا بيستخدموا المناديل دى يا اما للجلد فى حالة الكبار
او للتنضيف عند تغيير الحفاضات للاطفال
الحاجة اللى ناس كتير ما تعرفهاش هيا ان المناديل دى نوعيات
و فيه منها للكبار و فيه منها للاطفال
باختصار كده مناديل الكبار بتكون معطرة ، و ما يبقاش ال
pH
بتاعها متظبط للجلد
مناديل الاطفال بيكون مظبطين قصة ال
pH
دى و بدل المعطر بيحطوا كريم يساعد على تلطيف الجلد
و غالبا ما بيكونش فيها كحول خالص
و كل ده كويس لجلد الاطفال
فلما نيجي نشترى المناديل دى تانى نوضح للصيدلية احنا عاوزينها لايه
و طبعا كل السيدات عارفين انه فيه نوع تالت لازالة المكياج
و برده فيه من المناديل دى ، مناديل ديتول معقمة ، بتكون مفيدة لو الواحد مسافر
او رايح مكان غريب و قلقان من الميكروبات
دمتم بود