مقف رجولى لرجل مصرى(فى المترو)...

السلام عليكم ورحمة الله وبركاتة
موقف رجولى لرجل مصرى
فى المترو



تروي إحدى الأخوات فتقول :

ده راجل انا استأذنته وصورته لأنه عمل موقف رجولي في المترو انقذ حياة ولد من الموت وسط صوات وصريخ كل الناس

مشهد بشع باب المترو قفل علي شاب مع اصحابه وهم بيحاولوا ينزلوا بسرعه من العربيه لانهم اكتشفوا انها ستات

المترو قفل علي رجل شاب وجسمه كان كله بره المترو واتسحل علي وشه علي الرصيف ..

اصحابه بيشدوه من بره واحنا بنحاول نفتح الباب من جوه والمترو بدأ يمشي
بالواد وصوات وعياط وقولنا خلاص الواد هايموت .. راح “الراجل” ده كسر ازاز
الطورائ ب ايده والباب فتح ف المترو وقف والعيال شدوا صاحبهم واحنا اتلمينا
ع الواد لأن ايده اتقطعت والدم غرق العربيه ………

أنا مبسوطه أوي ان لسه فيه رجاله البلد لسه بخير والله …..

فضلا وليس امرا عاوزه صورته تلف الفيس بوك ,, شكر وتقدير ليك يا راجل يا
جدع و للقصه بطل اخر الشاب اللي اتسحل علي رصيف المترو بين الحياه والموت
وكل ده علشان مايفضلش في عربيه الستات وعلي فكره الولد اللي شاء ربنا وجوده
مع امه التعبانه اللي رايح بيها المستشفي وخد موافقتنا قبل مايركب الموقف
حصل في محطه الملك الصالح .. ونزل بمامته السيده زينب ..

راجل بجد وده كان سبب وجوده.. البلد لسه بخير طول مافيها رجاله زيهم