رومى بانية...

السلام عليكم ورحمة الله وبركاتة
*******
رومى بانية
==
انا بصراحه مبحبش الرومى خالص
انا حاليا في الجزائر وفى يوم زوجى راح يجيب بانيه رجع وقال ملقتش
قولتلوا امال ايه اللى فى ايدك دا
قالى بصراحه دا رومى بانيه مالقتش فراخ ساعتها عملتله كدا
احنا هنستهبل انت عارف انى مش بحبه قالي اعمل ايه الموجود
المهم قولت خلاص أعمله وأمرى لله
تبلته بالتتبيله اللى كلنا عارفينها بصل وملح وبهارات ما شاء الله الفتوكات هنا اساتذه
افتكرت انى كان عندى نوع جبنه بس مش بتدوب هى جبنه هولاندى بس بجد بحب طعمها اوى
جهزت الحاجه بقسماط بيتى طبعا وبيض والجبنه والرومى
بالشكل دا كدا
وبعدين حطيت الجبنه على البقسماط بالشكل دا
وتخلطيهم على بعض كويس كدا
تمام كدا نبدأ بقى الطريقه العاديه جدا بيض
وبعدين على البقسماط الخاص بتاعنا
بس والله الموضوع بسيط جدا وهنكمل لحد ما نخلص الكميه كلها
نيجي بقى للمهم هنقليه ازاى
سمعتك لا طبعا مش عادى مش هنملاالطاسه زيت
دول معلقتين كبار وابدا احط الرومى البانيه
بس في حاجه مهمه على نار مش متوسطه هاديه لانه مش مغمور فى الزيت فمش عاوزينه يتحرق
وميبقاش مستوى من جوا وعلى راى المثل اتقل ع الرومى يستوى
بجد والله طعمه جنان رهييييييييييييييييب
هو محروق شويه لان البقسماط كان اتحرق وانا بحمصه
بجد مامتى بتروح لبتاع الفراخ وتخليه يخليلها صدر الرومى
وجربت الطريقه وقالتلى تحفه
وممكن تستعملى جبنه شيدر الفاتحه مش بتدوب اوى
يارب يعجبكم موضوعى
فى امان الله