اعلام خاصة : الجنس : عدد المساهمات : 18119 تاريخ التسجيل : 15/11/2011 الموقع : المحلة - مصر المحروسة العمل/الترفيه : اخضائى اجتماعى المزاج : متوفي //
موضوع: كشرى مصرى(بالهناء والشفاء)... الجمعة 17 مايو 2013 - 19:43
السلام عليكم ورحمة الله وبركاتة ****** كشرى مصرى بالهناء والشفاء (*) بما إن الواحد داخل على رمضان فقولنا لازمن ولا بد من أكله حلوه كدا الحقيقه في العادى بتبقى فسيخ أو رنجه بس هنعمل إيه الجزائريين أوروبيين لا فسيخ ولا رنجه قولت بس هو الكشري فى الحر دا مش مشكله هعمل إيه يعنى مطولش عليكم أنا ببتدى من حبث ينتهى الكثيرون هتقولولى ايه الكلام الكبير دا هقولكم هى دى الحقيقه أنا أول حاجه بعملها البصل أو الورد كنت شفت موضوع هنا لفتوكه عن قرمشه البصل وبجد ربنا يكرمها بس أنا قولت أجرب حته فزلكه أول حاجه طبعا نقطع البصل جوانح حلوه كدا أهو كدا بالظبط وبعدين نتبله تتبيله حلوه هنا فى حاجه حلوه أوى وهى ماء توم جميل جدا وحلوفى التتبيل المهم إنتى ممكن تتبلى من غيره بأى حاجه وبعدين ضفت ملح وفلفل وشطه وظبطت المسائل الحاجه مهمه بقى إنك تخلطي التوابل برحه عشان البصل مينزلش ميته ضروريه جدا لو الميه نزلت مش هيبقى له طعم بعد كدا نسيبه ييجى نصف ساعه وبعدين نصفيه أنا صفيته من الخل وفعلا منزلش ميه خالص وبعدين نجيب معلقه نشا ذره ومعلقه دقيق بس متغطيهوش جامد وعلى رأى الفتوكه يبقى معفر بالدقيق سيبيه شويه عشان البصل يبل الدقيق وميحرقش الزيت والطريقه دى جبتها من الفتوكه {تبا لك كريستيانو}مش عارفه معدتش بتدخل ليه كانت ماشاء الله نشيطه جدا المهم نسخن الزيت جامد جدا وبعدين نقلى البصل وبعد ماتحطيه فى الزيت بدقيقه هدى النار شويه وكلى أحلى بصل أقسم بالله يافتوكات عمرىما دوقت بصل بالحلاوه دى نيجي بقى للزيت اللى قلينا بيه ذى الفل ولا محروق ولا أى حاجه ربنا يباركلها يارب {تبا لك كريستيانو} وترجعلنا بالسلامه المهم نشيل شويه من الزيت والباقى أحط فيع العدس الحلو بتاعنا وقلبه شويه حلوين كدا كدا تمام مغسول ومنقوع كويس نضيف بقى الاز هنا مفيش ارز مصري والجزائرى بصراحه مش حلو مالوش طعم وبيتهر بسرعه فدايما بستعمل أرز بسماتى وأضيف الأرز وأفضل أقلب شويه ما ضيفش الماء على طول وبعدين الملح والماء والتوابل وضرووووووووووووووووووورى جدا الكمون هو الأهم ملحوظه مهمه جدا العدس هنا بياخد ميه زياده شويه فى مصر بيقولى متعمليش حساب العدس لكن هنا بنعمله ألف حساب بجد بياخد ميه وبيتنقع كتير المهم نسيبه على نار معقوله متوسطه مش عاليه لحد مايغلى وأكون أنا بجهز الشعريه إتحمرت وبقت حلوه هنلاقي الكشرى كمان بيغلى وحلو كدا نضيف الشعريه عليه تمام كدا نوطى عليه وبراحته خالص نروح لصلصه الطماطم {الشطه} أولا محتاجين بصل مقطع قطع صغيره وتوم حلو كدا بوضه مقطع وطماطم مفرومه فى الخلاط ونبدأ بسم الله أولا نحط البصل على النار لوحه شويه يدبل ونلحقه بالتوم يوصلوا للمرحله دى تمام كدا أوى نضيف الطماطم بتاعتنا أنا بحبه حار الجزائريين ما شاء الله عليهم محدش يغلبهم بيحبوا الحار جدا أساسى في المقبلات هنا فى أى مطعم المهم مفسش أكتر من الصلصات الحاره هنا بس فى نوع بقى جبار تحفه بجد وعلى فكره النوع دا موجود فى مصر نحط منه كتييييييييييييييير بيديها طعم مميز كدا بجد ومننساش معلقه صلصه بس ياريت تكون منزليه وفى طرق كتير لها هنا فى المنتدى ونسيبها تغلى براحتها فى طبعا الدقه اللى بالتوم والكمون بس مبنحبهاش فمبعملهاش ومننساش طبعا الحمص في ناس بتحطه فى العدس بس أنا بحطه فى الشطه بياخد طعمها ويدى على حلبسه هههههههههههههههه لا بجد أفضل بس أنا عندى الحمص بييجى مسلوق جاهز فبعد ما الصلصه تقريبا تستوى بحطه نسلق المكرونه وبعدين نصفيها وفى الزيت اللى كنا شيلناه بتاع البصل وملح وفلفل وحركاتك بقى طبعا لو حطيت صور للمكرونه ممكن تضربونى ههههههههههههههه نغرف بقى أحلى كشرى مصرى وكمان صوره نحط البصل بقى
الموقع
موضوع: كشرى مصرى(بالهناء والشفاء)... 
الجمعة 17 مايو 2013 - 19:43
.gif)
