الأمثال الشعبية اللبنانية ....

السلام عليكم ورحمة الله وبركاتة
==
الأمثال الشعبية اللبنانية
!!!!!!!!!


- زيوان بلادَك ولا حنطِة حَلَب.
- فقر الإنسان في وطنو غرْبة.
- كلّ ديك عَ مَزْبلْتو صِيّاح.
- البيت الربّاني ما بِينْساني.
- الناس بدارَك والمفتاح بزنّارك.
- البيت بَيْت أبونا والعرب بيقاتلونا.
- السياسة ما لِها دين.
- الَّي مِتِلْكُن بيِحْكمْكُن.
- إصلاح الرَّعيّة أنْفَع مِنْ تكتير الجنود.
- إذا أرَدْتَ أن تُطاع ، فاسْأَل المُستَطاع.
- الشَّرط بالحقْلة ولا قتال عَالَبيْدَر.
- أنا أمير وإنت أمير ومين بيسوق الحمير ؟
- البعد جَفا ، والقُرب وَفا.
- لا تلوم الغايب تَ يِحْضَر.
- النَّقلة فيها فَرَج.
- الغريب لازم يكون أديب.
- الرَّوحة بالإيد، الرَّجْعة مُشْ بالإيد.



- لا غايب إلّا استغنينا عَنّو، ولا حاضِر إلّا واعتَزْناه.
- الدَّهب بيعْتاز النخالة.
- الكتْرَة غلْبت الشجاعة.
- من شافَك بعين، شُوفو بتْنَيْن.
- البَحصة بتسْنُد خابية.
- انا وخَيَّي عَ إبن عَمَّي ، وأنا وابن عَمَّي عالغَريبْ،
- الدّم ما بِيْصير مْوَيْ.
- ما بيِحنّ عالعود غير إشرو.
- الكلِب ما بيعَضّ خَيُّو.
- الصبَّي ولو مالْ تلْتَيْنو للْخال.
- الأخ جناح.
- الَّي بيِقْلَع تيابو بيَبْرُد.
- الدنيا أُمّ.
- الَّي ما بيِسْمَع مِنْ والديه غضَب الله عليه.
- اسأل عَن الإم قبل ما تِلمّ.
- طبَّ الجَرَّا عَ تِمّا ، بتطلع البنت لإَمّا.
- القِرْد بعين إمّو غزال.
- جناح الإمّ بيِلمّ.
- قَتْل البِيْ بيِكوي كيْ، قتل الإمّ ما بيهِمّ.
- غَضَب الأبْ مِنْ غَضَب الربْ.
- ربّنا بيِبْعَت الولد، وبْيبْعَت رزقو مَعُو.
- إبْن البَطّ سَبّاح ، وإبنِ الكَلب نبّاح.
- قاضي الولاد شَنَق حالو.
- الولَد ولَدْ ولو حَكَم بَلَدْ.
- الولَد بيِبكي يا منْ جوعْ يا مَوْجوعْ.
- العِمْيان جاهُنْ صَبي، دَلّوا يشَقشْلوه ويِلعبوا فيه تَ عمْيوه.
- إبن الحلال عند ذكرو بيبان.
- خود الأصِيْلة ولَو عَالحصيرة.
- اٌسْعى بِجنازة، ولا تسْعى بجازة.
- خود البنات من صدور العمّات.
- جَوَّز الفقير عَالفقيرة، بتْكَتَّر الشَّحّادين.
- الَّي بيتْزَوج بالدَّين، بيِجو ولادو بِالفايِظ.
- الَّي ما بدّو يزوَج بِنْتو، بيغَلَّي مِهْرا.
- الَّي بياخُد من غير ملّتو، بيموت بعلَّي غير علّتو.
- بدَّك تْجرَّص رجّال اٌبعَتْلو مَرا، وبَدَّك تجرَّص مَرا اٌبعَتْلا وَلد.
- عروسَك بالإكليل ما بتعْرِف لمين بتْصير.
- الَّي بَدَّك تصاهروا لا تقاهروا.
- الحمار حمار ولو حِمِل خَزْنِة السّلطان.
- البطنْ بِسْتان، فيه أشْكال وأَلْوان.
- البيت الضيق بِيْساع ألف محِبّ.
- الإجر بتدبّ مَطْرح ما بَتْحِبّ.
- بحبّك يا سْواري بس متِل زندي لَأْ.
- إرحَمْ مَنْ في الأرض يرحمك من في السماء.
- الصيَّت الحسن خير من المال المجموع.
- إذا الله طْعَمَك كُول وِاٌطْعوم.
- الجود من المَوْجود.
- كبير القوم خادمهُم.
- إبن الحَلال عند ذِكْرو بِيْبان.
- لا تِشْرَب من البير وِترْمي فيه حَجَر.
- مَنْ ساواك بنَفْسو ما ظَلَمك.
- قاضي الولاد شَنَق حالو.
- بِيحْكي قَدْ قاضي معزول.
- إيد الحرّ ميزان.
- الأرض الواطية بتشرَب مَيَّتا ومَيَّة غَيْرا.
- ما حَكّ جِلْدَك مِتِل ضِفْرَك.
- اٌلَّي بِيحْضَر خلافة عَنِزتو بِتْجِبْلو تَوم.
- ما في عَيْب إلّا والكَرَم غطّاه.
- ألله أَكْرَم مِنْ عبيدو.
- اسماعْ مِنَّي ولا تصَدَّقْني.
- الرَّذيل بِيْوَرت لأهْلو المسَبّة.
- بَشّر القاتِل بالقتل ، والزاني بالفقر ، ولو بعد حِيْن.
- بَزْقوا عَ وِجّ النَّدِلْ، قال الدني عَمْ بتشتي.
- الفاجر إكِل مال التاجِر.
- شابِتْ وما تابِتْ.
- بَعْد حْماري ما ينْبت حشيش.
- بيحْرُق حارَه تَيْوَلَّع سيكاره.
- بَيّن عِذرَك ولا تبيَّنْ بِخْلَك.
- أبخل من كلب.
- بيِقتل القَتيل وبيمشي بجنازتو.
- بالوِجّ مراية ، وبالقفا صِرماية.
- ركّبناه ورانا ، مدّ إيدو عالخِرج.
- بِيْروح مع إمّ العروس ، وبِيرْجَع مع إمّ العريس.
- الحيّة ما بتنْحط بِالعبّ.
- متل الحيّة تحت التَّبن.
- الرَّزق الدّاشرْ بِيْعَلَّم النّاس الحرامْ.
- بيسْرق الكحل من العين.
- إن سلَّم عليك عِدّ صابيعَك.
- أبن آدم ما بيمَلَّي عينو غير التراب.
- بَيْت الظالم خْرابْ.
- الأسى ما بينْتَسى.
- مَنْ ساواك بنَفْسو ما ظَلَمَك.
- حلقلو عالنّاشِف.
- متل السمك بالبحر : الكبير بياكل الصغير.
- صيف وشِتي عَ فرد سطح ما بيِجْتمْعو.
- وصّلونا لنص ّ البير وقطعوا الحبل فينا.
- العَنزة الجِرْبانة ما بتشْرَب إلا منْ راس النّبع.
- مَنْ شَكَر بحالو ذَمّمتو الناس.
- ربّنا ما بيحبّ لا متْكَبَّر ولا متْجَبَّر.
- ضارب حالو بحجر كبير.
- حَبْل الكِذِب قصير.
- الكَذِب بيغدي ما بيعشي.
- اٌلَي بَدّو يكذب، يبَعَّد شهودو.
- الْحق الكِذّاب عَ باب دارو.
- اٌلي بيجي منْطّبّلو واٌلي بيروح منْهَللو.
- الَّي بيَرْبل الناس بِينخلوه.
- لاقيني ولا تطعْميني.
- لمّا أنا أمير وإنت أمير ، مين بيسوق الحمير؟
- إنّ الطيور على أشضكالها تقع.
- ما لك صاحب إلا بعد قتلة.
- إنْ حلق جارك بل دَقْنَك.
- مين أدرى بحالك ؟ ربَّك وجارك.
- اسْأل مجرّب ولا تسأل حكيم.
- مَنْ جرب مجرّب ، كان عقلو مخرَّب.
- الَّي محروق من الحليب بينفخ اللبن.
- أكبر منك بيوم أخبر منّك بسنة.
- ربّنا بيجرب خايفينو.
- المعْقوص بيخاف من جرّة الحبل.
- السر متى جاوز الإثنين شاع.
- خود أسْرارُن من صغارُن.
- سِرّن سرّ معّازي: من قاطع لقاطع.
- الحكي ما عليه جمرك.
- المرء بأصْغَرَيه : قَلْبو وِلْسانو.
- مَنْ كَتَّر كلامو، قَلَّل احترامو.
- مفتاح البطن لقمة، ومفتاح الشّرّ كلمة.
- اٌلَّي بتْقصر حجّتو، بيطوَّل لسانو.
- أخوت يحكي وعاقل يِفْهم.
- خير الكلام ما قل ودل.
- الجنة بلا ناس ما بتنْداس.
- ضحك بلا سبب من قلة الادب.
- ما بيضحك للرغيف السخن.
- اضحك تضحك لك الدنيا.
- اشتغل بمصريي، وحاسب البطال.
- الشغل بيجوهر البدن.
- الحركة فيها بركة.
- شغْل الليل مسْخرِة النهار.
- شمام هوا قطاف ورد.
- مَعْلوف، موقوف متل خيل الدّولة.
- اخْبزْ خبْزَك عند الخِبّاز، ولو اكل نصّو.
- ما كلّ من صَفّ صواني، قال : أنا حلْواني.
- ضربة المعلم بألف، ولو كانت من خلف.
- فلاح مكفي سلطان مِخْفي.
- تِلْم الأعوج من التور الكبير.
- إذا طلع صيتك حاصودن ارمي منجلك واقعود.
- حَدا بيشتري سمك بالبحر؟
- باع جلد الب قبل صيدو.
- الي بيتجوز بالدين بيجيب ولادو بالفايظ.
- التكرار بيعلم الحمار.
- علّمناهم عالشحادة سَبْقونا عالبواب.
- كلّ لسان بإنسان.
- إبنك لا تعلمو، الدهر بيعلمو.
- الدارس غلب الفارس.
- الي ما بيفهم من الاشارة، الحَكي معو خسارة.
- الجاهل عدوّ نَفْسو.
- جاب الدب لكَرْمو.
- بِتْقِلّو: تور. بِيقلك : اٌحلبو!
- البنت بنتي وبعرف خصايلها.
- الفقير فقير العقل.
- عقلك براسك بتعرف خلاصك.
- عقلك براسك اتنين بيديروك.
- مجد التاجر بكيسو، ومجد العالم بكراريسو.
- غلطة الشاطر بألف.
- بيلهي الحمار عن عليقو.
- بيفصل للبرغوت قميص.
- نصيحة الأحْمَق بعداوة.
- بَرْد الخريف توقّاه، وبرد الرَّبيع تلقّاه.
- البرد سَبَب كل علة.
- الحَرّ بيحرّنا والبرد بيضرّنا.
- السَّبع متى شابْ، بيصير مَضحكي للكلاب.
- الي إلو عمر ما بتقتلو شدة.
- بكانُونْ كِنْ وعَالفقِيْرْ حِنّ.
- مْنِ المَوْلود للْمَعْمُود بتُوقف الميّ عَامُودْ.
- يا لَوْزْ، يا مَجْنونْ بِتْزَهرْ بِكانُونْ.
- شباط اللباط ، إن شبط ولبط ، ريحة الصيف فيه.
- شباط ما على كلامه رباط.
- آدار الغدار.
- بآدارْ سَبعْ تَلْجات كْبارْ ماعَدا الصّغار.
- كلّ رَعْدة بآدار مَطْرة بنيسانْ.
- الكرِم إذا ما انْفَلَحْ بآدار، بارْ.
- بسبعة آدار طيلع بقراتَك برّات الدار.
- الشتوي بنيسان بتسوى السكي والنير والفدان.
- بَرِدْ أيّارْ خرّاب الدَّيارْ.
- بعشْرَة أيّارْ خوخَة ، وسبلة، وزر خْيارْ.
- المَطْرَة بإيّارْ بِتْمَوَّن الفلاح وبقراتُو، وبِتْجَوَّزْ ولادُو وبْنَياتُو.
- بعَشرة إيّارْ احمال منجلَك وِانْدارْ.
- حْزَيْرانْ شَهْر الْبَسط والْكيْفْ، أوَّلُو رَبْيعْ، وآخرو صيْفْ.
- حَرّ حزيْران بيعْمل الْحَليبْ عِيْرانْ.
- بتَمّوز بِتغْليْ الميْ بِالكُوزْ.
- آب اللهَّابْ.
- عِيْد التَّجَّيْ (6 أب ) بِيقول للصيَّفْ : وَلَّي.
- بِعيْد الرَّبّ (6 آب ) نَقَّ حبّ.
- بْأيْلولْ تموَّن لعْيالَكْ ، وشِيل الْهَمّ عَنْ بالَكْ.
- أيلول طَرْفو بالشتي مَبْلول.
- ما بَيْن تشريْن الأوّلْ وتشْرين التاني صَيْفْ تانْي.
- بَرْد تْشارِيْنْ تْوَقّاهْ، وبَرْد الرَّبيْع اسْتَلْقاه.
- مويَّة تشارين بِتْخَزَّق المصارين.
- يلي سبق شم الحبق.
- الفَزَع بيْطَير الوَجَع.
- شال الزَّير من البير.
- شمَّع الخيط وهَرَب.
- بياكُل راس الحيّة.
- ألف عدو برّات الدار ، ولا عدو جَوّات الدار.
- هين فلسك ولا تهين نفْسك.
- الوِعِي الكبير بيساع الصغير.
- يا جبل ما يهزك ريح.
- ياكِلها السَّبع ولا ياكلها الضبع.
- قالوا : يا عنتر مين عنترك ؟ قَلُّن : عِنْتَرت وما حدا ردّني.
- قبضاي شبعان من حليب إمّو.
- كلّ مين هَمُّو عَ قَدّو.
- من صَبَر نال ومنْ لَجّ كَفَر.