للشباب

وأنت بتخطب قول لخطيبتك بوضوح ، إن دخلك الشهري مثلًا ١٠ قروش واسألها

هتعرفي تعيشي معايا بال ١٠ قروش ولا لأ
لو قالتلك هنعرف نعيش بدون ما تحسسك أنها عاملة فيك جميل ، يبقى خير وبركة

وشيلها على راسك عشان دي اللي هتستحملك وهتشيلك ، واكرمها من كرم ربنا لو

وسعها عليك بعد كده
لكن لو قالتلك لأ مش هقدر اعيش بالمبلغ ده ، تبقى بنت محترمة وده حقها طبعا تختار

المستوى اللي عاوزة تعيش فيه ، وتبقى وفرت عليك مشاكل كتير بعد الجواز ، وربنا

يرزقها بالشخص اللي بيكسب اكتر منك وفرصة سعيدة

ونصيحة أخ لما تتجوز أختار البنت اللي في مستواك المادي أو تحت مستواك ، عشان

تعرف تعيشها نفس المستوى أو مستوى افضل من اللي كانت عايشاه
وابعد عن البنت الطماعة ، أو اللي تحس إنها بتحملك فوق طاقتك بدون مراعاه

لظروفك أو قدراتك المالية ، وده سهل تكتشفه اثناء فترة الخطوبة ، واوعى تضغط

على نفسك وتستلف وتداين وأنت عارف أنك مش هتقدر تسد ديونك ، ولو ربنا كارمك

متبخلش عليها وفرحها
الجواز مش لعبة يا تأسسه صح عشان ترتاح ، يا هتتعب فيه طول عمرك