سلاح جديد للأمهات

قبل الدراسة ما تدخل وسلاح الأمهات الأول يظهر
وقاموس الزعيق وطبقات الصوت السوبرانو في العمارة
عايزين نفكرك إن في نظرية اسمها "الذكاءات المتعددة"
النظرية بتقول إن مبقاش في التقسيم بين إنسان ذكي وإنسان غبي
لكن بقى فيه 7 أنواع من الذكاءات الأساسية وفي أكتر منها ذكاءات

فرعية وكل الذكاءات دي موجودة عند كل الناس بلا إستثناء
فبقى في إنسان ذكي إجتماعيًا بنسبة أكبر من ذكائه في الأرقام
وإنسان ذكي وجدانيًا أكتر من ذكائه الحركي وهكذا...
يبقى الطفل طفل ذكي... دي حقيقة
طب ذكي في إيه أكتر من إيه؟.... ده دورك إنك تكتشفيه
يعني في الحساب اللي ابنك مش فاهمه عشان مش عارف يحفظ جدول

الضرب تقدري تحفظيه الجدول بطريقة حسابات عقلية أو مثلًا أغنية أو عن

طريق لعبة كلها حركة وهكذا
شوية مجهود في معرفة ولادنا هتوفر علينا وعلى الجيران أصوات السوبرانو

وهتفرق كتييير جدًا في علاقتنا بولادنا