يعني واحد بيموت علشانك كل يوم يا ابني او بنتي ..
عايش بس علشان يسعدك ويشوف ضحكتك ويرسم علي وجهك فرحتك ..
لو ضحكت تبقي الدنيا ضحكت لي ، ولو بكيت دمعة واحدة ابكي معاك انهار ..
باقوم علشانك وانام اخر اليوم وانا حاضن ذكرياتك ..
انت حلمي اللي بعيشه معاك علشان تكبر وترتاح و تتهني و تتمني ..
باقولك لأ علي عيني علشان اعلمك ، واحرمك من حاجة مفرحاك
بس حضرتك برضه علي عيني علشان ما اسيبكش تعاني من نفسك اللي
ربنا ائتمني عليها ..
انت انا ، احلي في عيني من اي حد ..
ربنا ياخد من عمري ويديلك ومن فرحي و يفرحك ، وكفاية علي اشوف
طلتك وضحكتك و انت جنبي ..
حتي لما كنت بتزعلني ، عمري ما زعلت ، ولا اتوجعت ،
بس صعب علي انك ما عرفتش ولا ح تعرف انك دنيتي كلها ..
يا احلي كلمة قلتها لي في عمري "بابا " ، يا احلي امل لي في الدنيا ..
ابني ، بنتي ..
باحَبك ، باحِبك قوي قوي ..
بابا ..
موضوع: عارف يعني ايه اب 
السبت 30 أكتوبر 2021 - 7:50
