السعادة ????
مش في كلمة واحدة ولا شعور واحد ولا وصف واحد
السعادة مزيج من حاضر مريح مع ماضي فيه ذكريات حلوة ????
عبارة عن قعدة حلوة مع صحبة حلوة ينسوكي الدنيا ومشاكلها وهمومها
عبارةعن ضحكة حلوة من القلب طالعة صافية
عبارة عن تليفون جالك من واحدة بتحبيها وبقالك كتير ماسمعتيش صوتها
بتطمن عليكي بس وتحسسك انها جمبك ..
السعادة انك تحطي دماغك علي مخدتك تنامي من غير تفكير ولا هم علي
قلبك من بكرة
السعادة انك تقدمي خير من غير مايعرفوكي ولاحتي يلمحوا اسمك وتلاقي
علي وشهم فرحة
ساعتها هتلاقي دقات قلبك بتتنطط من الفرحة ...مش سعيدة بس ..
السعادة انك تصبري علي اسائتهم ليكي لغاية مايعرفوا قيمتك ويقدرولك ده ..
ولو ماقدروش سعادتك وقتها هتبقي في البعد عنهم وهتبقي مرتاحة ..
السعادة في سجدة بتشكي فيها وتبكي بحرقة من هم شايلاه او قلق دافناه
في قلبك وتنهي صلاتك وانتي مرتاحة وهادية ..
السعادة انك تبقي راضية باللي عندك ومالي عينك مهما كان قليل برضاكي
هتلاقي بركة وساعتها هتلاقي سعادة..
السعادة انك تشوفي حبايبك قدامك بيحققوا هدف وبينجحوا فيه فسعادتهم
هتسعدك.
السعادة في قاعدة هادية مع فنجال قهوة سكر زيادة او حتي سادة او شاي
بلبن محوجاه بمزاج ومشغلة جمبك صوت زي المنشاوي مثلا ...
السعادة انك تلاقي حد في ظهرك واقف ساندك ومهما تغلطي تلاقيها بتحاميلك
وبعد الموقف. مايعدي تنصحك وتوجهك وتقوللك خلي بالك ????
السعادة ..
كل كلمة حلوة ممكن تسمعيها / وكل جبر خاطر سواء كنتي انتي الفاعل
او المفعول به ????????
السعادة انك تقومي الليل والناس نايمة وقافلة بابك وبتدعي ربك وتناجيه
وتستغفريه
السعادة انك تصلي الفجر في وقته فتحسي وتتيقني انك في ذمة الله النهاردة
لايمكن يصيبك سوء ابدا
السعادة انك تحاولي وتحاولي تحققي هدف نبيل في حياتك سواء كان في
شغلك او في بيتك ..
السعادة انك تسمعي لحد نفسه يتكلم ومش لاقي اللي يسمعه لان كلامه مش
مهم بس انتي هتقعدي وتسمعيهم لجل ماتريحي قلبهم بس
السعادة. انك تفتشي عنها وماتعديش يوم غير لما تلاقيها ????????
السعادة اني ادعيلك بالسعادة فترد عليا الملايكة ولكي بالمثل ??????
??????????
الموقع
موضوع: ماهى السعادة 
الأربعاء 9 يونيو 2021 - 5:15
