احفاد الشاعر المصري احمد شوقى

احفاد الشاعر المصري احمد شوقى 4-beautiful-poems-ahmed-shawki-poet

يااللي السطور متكفيش
لوصف يوصفك
إن كنتِ ناسية أنتِ مين
خلي التاريخ يفكرك
يا حضارة عمرها آلاف السنين
محفورة جوه المعابد و الهرم
يا عروسة عشاقعها ملايين
و دماهم عشانها تتوهب
أم أحمد جابت من الدسته عيال
و أبو أحمد كان عايش مرتاح البال
يزرع و يحصد وفي الليل ينام بأمان
بجنيه ياكل و يشرب و الصحة عال العال
و مجانية التعليم إن كانت في الأزهر ولا العام
كانت حقيقة مش خيال
دلوقتي أم أحمد بتجيب أتنين
و تساعد أبو أحمد في همه التقيل
ولو في طريقها على اليمين جزار
عينيها بسرعة تبص شمال
أه يا زمن رحايه و أحنا طحينها
الجنيه فيك ملوش ثمن
والميه تنفك كأنها عصافير بنطيرها
ملامحي اليوم بترسمني
دمعة حايره في النيني
قلب حزين بيألمني
وطن تايه ما بين شطين
و سؤال بحيره بيسألني
على فين رايح يا حزين