حكم وامثال سودانية

حكم وامثال سودانية Popular_Sudanese_Proverbs

أهلك قبال تهلك.
اهلك كان اكلو لحمك ما بكسرو عظمك.
ابو القدح بعرف مكان يعضي اخيو.
الزائد عن حدو بيقلب ضددو.
الإضينة دقو واعتذر ليه.
بال المطلقة في الرجوع.
اكتر شيء هين غسيل الماعون هو لين.
كل ديك في بلدو عوعاي.
إن جاتك في مالك سامحتك وان جاتك في نفسك بكتك.
لو جريت جرى الوحوش غير رزقك ما بتحوش.
أرع بقيدك.
لبن محلوب في ماعون دم.
الحمار ولد وإستراح.
اتغدى واتمدى واتعشى واتمشى.
بيت الجدرى ولا بيت النقرى.
قديمك لا تجافي كان بقي عوداي بدفيك.
لو ما عندك حيلة اعمل تيلة.
الحلفك كتلك والشكاك عاداك.
إن غلبك سدها وسع قدها.
البتقدر على ديتو اكتلو.
باكر فيها المناكر.
بليلة مباشر ولا ضبيحة مكاشر.
الما شفتو في بيت ابوك بخلعك.
تفتش للغريق تلقي المطفح فات.
الما عندو تيلة يعمل الحد حيلة.
الجاياك ما بتختاك.
اكان شالتك خير وإن ختتك خيرين.
مرمى الله ما بترفع.
المديدة حرقتني.
باب النجار مخلع.
الشينة منكورة.
بحرا مافيهو تمساح يقدل فيهو الورل.
محل الرهيفة تنقد.
بركة الكلام في قلته.
أكل يا كمي قبل فمي.
حاله تقرف الليمون.
الما يهدي الكريم تعبان.
بكرة الموز بجيبك يا قرد.
الواضح ما فاضح.
وقوع البلا ولا انتظارو.
مفطوم اللبن ما بسكتو اللولاي.
بخيت شكروه قال داك شهر تانى.
أخوك لو بقى عسل ما تلحسو كلو.
الحسنه معطت شعر الاسد.
اقول تيس تقولو احلبوهو.
تسوي كريت تلقاهو في جلدها.
المرة بدقوها بأختها.
يأكل اكل السوسة والعافية مدسوسة.
مد رجليك قدر لحافك.
حواء تكوس لأدم وأدم يكوس لحواء.
الخوف فكة جبارة.
الشوكه بسلوها بى دربها.

جناك كان كبر خاويه.
الما عندو لسان فقري وفلسان.
قدم السبت تلقى الاحد.
من دقنه وافتل له.
سجمان ورمدان.
الغاشي مغشوش.
حرب الحراز للمطر.
نام ابو شنب لعب ابو ضنب.
جراداي في سروال ولا بعضي الا قعادو ما حلو.
السترة والفضيحة متباريات.
تكاكي عندنا وتبيض برا.
نكورك ليكم ما تجونا ونجيكم تكوركو.
الما دارك ما خربشك.
اب سنينة بيضحك علي اب سنينتين.
ابن ادم من طين يعكر ويصفى.
الكتوف إتلاحقت.
جادع الكلب بارك.
في الوش حبايب وفي القفا دبايب.
يوم عسل ويوم بصل.
نملة وشايلة ليها قملة.
لالوب بلدنا ولا تمر الناس.
اب قنيفد بلا شوك ولافي.
تمر الفكي شايلو ومشتهي.
جدادة بره طردت جدادة جوة.
جراده في الكف ولا الف طايره.
سمحة البتعرف.
دوام الحال من المحال.
هبلة ومسكوها طبلة.
الكحل ما بنفع في العين الحجر.
أب منقود لو ما قيس ما ليس.
ما بعرف رطني الاجنى بطني.
العندو الحنة يحنن ضنب حمارو.
جلدا ما جلدك جر فيهو الشوك.
الما عندها بنيه مدفونه وهى حيه.
السن بتضاحك نديده.
من دقيقي الموت احسن.
القرش الأبيض لليوم الأسود.
صاحب بالين كضاب.
أضان الحامل طرشة.
حاميها حراميها.
السمح سمح كان زرعوا يقوم قمح.
يكتل الكتيل ويمشي في جنازته.
الايدو في النار ما زي الايدو في المويه.
الشقى يلقى العظم في المرارة.
يهدوها من الكواسه تبيت بره البيت.
ناس القبور وقفوا طابور.
حظ الكيشه أن وقع من السما الاقي الأرض ما فيشه.
البحر بشيل عوامو.
الشين شين كان غسل وشو مرتين.
التسوي بي ايدك يغلب اجاويدك.
الدق صدروا شيطانو قدرو.
يا زبيدة لا تموعي.
خت الخمسة فوق الاثنين.
العارف عزو مستريح.
الباب البجيب الريح سدو واستريح.
الكلمة الطيبة بتمرق الدابى من بيتو.
العنده قرش محيره يشتري الحمام ويطيره.
درب السلامة للحول قريب.
ولدا ما ولدتو من عرقوبك إن عميت ما بيقودك.
الما شاف البحر.. تخلعوا الترعة

الحوت ما بهددو بالغرق.
سيد الرايحه يفتش خشم البقرة.
لحق اُمات طه.
عايرة وادوها سوط.
اثنين تدور غناهم راجل بنتك وصاحب دينك.
البنريدو بنفرش ليهو الأرض، والما بنريدو بنحرش عليهو الكلب.
اثنين لو قالوا ليك راسك ما في اهبشا.
يعيشك العاش اهل سواكن.
عينك في الفيل تطعن في ظله.
أبوك أمير وأبوي أمير مين بسوق الحمير.
البكرهك في الضلمه بحدير ليك.
جارك القريب ولا ود امك البعيد.
قصير ما ببل قرعة الخايبة.
غلفاء وشايلة موسها تطهر.
الابوه إت ما محتاج لخال.
العود لو مافيهو شق ما بقول طق.
لو كترت عليك الهموم ادمدم ونوم.
سكاتي ولا الكلام الني.
قلبي على جناي انفطر وقلب جناي على حجر.
أربعة لا تشبع من أربعة عين من نظر وأذن من خبر وارض من مطر وأنثى من ذكر.
العندو الضهر ما بندق على بطنوا.
الواقعة من السماء بتتلقاها الواطا.
ان جادت بخيط العنكبوت تنقاد.. وكان عاقت تقطع سلسل الحداد.
كراع البقر جيابه.
اسمع كلام الكبير ولو كان عوير.
العينوا في راسو بعرف خلاصو.
القفة ام اضنين بشولوها نفرين.
رزقاً تكوسلوا ورزقا يكوسلك.
كتلوك ولا جوك والحاحا حوح.
الأسد ما كتل مرته.
البباري الجداد بوديهو الكوشه.
الصابر يعرس مرة راجل.
لصيق الطين في الكرعين ماببقى نعلين.
كان عشقت أعشق قمر وكان سرقتا أسرق جمل.
اصله مارق في الربا والتلاف.
التور اكان وقع بتكتر سكاكينه.
الزارعة الله في الحجر بتقوم.
كان غلبك سدها وسع قدها.
اسمك خصمك ياعلمك الدغالة ياعلمك الهبالة.

» حكم وامثال
» حكم وامثال
» حكم وامثال ..
» حكم وامثال
» حكم وامثال ..