*"لإيلاف قريش "

*"لإيلاف قريش "
دي أول آية في سورة قريش اللي بعتبرها
من السور اللي بتناقش مشكلة حياتية وهي
( إلف النعمة ) ،
ربنا بيقولنا لإيلاف قريش واعتيادهم على استقامة مصالحهم
ورحلتيهم بالشتاء والصيف دون النظر لواهب هذه النعم ومديمها
الرسول صلى الله عليه وسلم يقول
( من بات آمناً في سربه ، معافاً في بدنه ،
عنده قوت يومه ، فكأنما حيزت له الدنيا بحذافيرها ) ،
يعني كأن الدنيا كلها ملكك
*ايوه بنام واصحى كل يوم عندي قوت يومي وآمن في بيتي ،
إيه الغريب يعني ما أنا زي كل الناس !
-المفاجأة إنك مش زي كل الناس ،
في ناس بتقوم الصبح مش لاقية لقمة تاكلها ،
وفي ناس قاعدة في بيوتها مستنيين الموت في أي لحظة
لا تألف فتجحد ، لكن اشكر الله تألفك نِعمته
افرح بنعمة ربنا عليك واشكرها حتى لو متكررة للمرة الألف ،
لأن مجرد دوام النعمة نعمة ، وإلف النعمة وعدم شكرها جحود وظلم .
ولما حد يسألك أخبارك ايه متردش : زي كل يوم ، لكن قول :
الحمد لله الذي أغناني من فضله من غير حول مني ولا قوة

» لإيلاف قريش
» تفســــــير سورة ... قريش
» أمثال قريش الشائعة ..
» اسباب نزول سورة قريش ..
» سبب تسمية قريش بهذا الاسم