درس من دروس الحياة

الدنيا اكبر مدرسة ممكن تتعلم منها وتعي الدرس تماما ..
افظع درس ممكن تتعلمه هو الخذلان !
لما ناس تخذلك في وقت انت محتاج وقفهتم معاك ..
كنت خاتيهم في مكانه عالية لكن اتضح ليك عكس ..
ناس كنت بتعزهم وتحبهم لله لا مصلحة ولا دنيا..
وقت وقعتك اتخلو عنك ..وانت الكنت واقع في خيرهم
وشرهم ..ما بنتظر انهم يشكو او يبكو بتعرف براك
انهم في ضيقة ومحتاجين السند منك ..بطيبة قلب
بساعدهم وتمد يدك بالخير ..تواسيهم وتكون ليهم
نعمة الصاحب والقريب ..وبعد دا كلووو خذلوك لما احتجت ليهم..
وظنك خااب فيهم وعرفته نفسك انك كنت غلطان ..لكن لأ ..لحظة
عايزة اقول ليك كلمتين .
-انت ليك الحق تزعل منهم لو عملته دا كلو ليهم ونسيت نيتك في الاجر
والثواب من الله هنا معناه انت كل العملتو رااح هباء منثور ..!
لو استحضرت النية لوجه الله ثم لناسك صدقني ما بروح ساي
ربنا هيسخر ليك ناس أحسن منهم وافضل منهم تشوف كل العملتو قدام
طيبتهم ولا شي وانهم بستاهلو اكتر من العملتو ..بس خلي نيتك رضا
الله اولا ..والاجر .والباقي بتكفل بيه ربنا سبحانه ..مكتوب في شكل حسنات..
اتعلم ..وقابل الاساءة بالاحسان وما تستعجل وتقول خذلوني ما عافي ليهم لا ..
انت لو ما خذلوك ما كان اعتمدته عن نفسك وقدرته تقوم براك بدون مساعدة احد
ودا شرف ليك ونقطة قوة انك انسان ارادتك قوية وشامخ بكبرياء ..
دي كلها مزايا اكتشفتها في نفسك بعد ما خذلوك صح ؟ يلا مفروض نشكرهم ☺
ولسه مازلنا نتعلم من الدنيا ..وبنقول شكرا والحمد لله يارب ..