أنا البرىء

البرىء
أنا البرىء..ابن البرىء..
أنا ابن أرضك ياوطن..مية وطين..حبة حنين..آهة أنين..
أنا دمعة محبوسة على خد السنين..وليل طويل..ونهار عليل..
أنا هم جيل ورا جيل..
أنا الغريق طول الطريق فى بحر حب الكون والفنون والبشر..
صابر وراضى بالقليل..وماشى جنب حيطان أيامى..
بأغنى مع الناى الحزين..وألملم همى من دمى..
ودمعى جارى يروى الغيطان..بعرق النيل..
أنا اتنين فى واحد..الهم واحد..أجراس آدان..قرآن مع انجيل.