نسمة مغربية
الجنس :   الأبراج الصينية : 
عدد المساهمات : 24
تاريخ التسجيل : 22/02/2010
 الموقع : الاســــــــــــــراء
تاريخ الميلاد : 31/07/1974
 الابراج الاسد : العمل/الترفيه : كاتبة ادارية
المزاج : تأتي الرياح بما لا تشتهي السفن
 |  موضوع: يا نفس حرام عليك، كفاية ذنوب  الثلاثاء 2 مارس 2010 - 0:23 | |
|
السلام عليكم ورحمة الله وبركاته
وصلتني هذه الخاطرة على بريدي الالكتروني
وقد اعجبتني كثيرا
واحببت ان اشارككم اياها
هي صحيح باللهجة المصرية لكنها واضحة ومفهومة
اتمنى ان تنال اعجابكم
*** *** *** ***
ارجع الى الله قبل فوات الآوان
يا نفس حرام عليكي كفاية ذنوب
و يا قلبي يلا قوام بسرعة توب
خلي الموت دايما قدام عينيك
والله العمر بسرعة هيجري بيك
واوعا تقول انك احسن من غيرك
والله الكلام ده هيموت ضميرك
و ربك ده رب ستار
وانت بتعصيه ليل و نهار
وهو دايما بردو بيستر عليك
وانت مش خايف منه خايف بس من ال حواليك
بتكون زي الحرامي وانت بتعصيه
ده ممكن تموت ف اي لحظة وتبعث ع ال انت عليه
شوف بقى يوم القيامة
شكلك هيبقى عامل ايه
يوم متنفعش فيه الندامة
ولا حتي عمرك البكا عليه
يا نفس حرام عليكي كفاية ذنوب
ويا قلبي يلا قوام بسرعة توب
خلي الموت دايما قدام عينيك
و الله العمر بسرعة هيجري بيك
سرحت مع نفسي ف الموت شوية
وقلت اللحظة دي جاية جاية
فجأة لقيت روحي طالعة مني
وكل الناس كانت حوليا
حتي كمان كل اصحابي
بيصرخو وبينادو عليا
انا والله سامعكم وبرد عليكم
مش عارف ليه صوتي مش واصل ليكم
و قلت بصوتي العالي
انا هنا يا جماعة وسطيكم
و جريت بكل سرعتي عليهم
بس عديت زي الهوا من بين ايديهم
عرفت ساعتها اني خلاص
انتهت حياتي بين الناس
وبسرعة جابو الشيوخ وبالمية غسلوني
ومفيش ثواني و بالكفن كفنوني
وعلي الخشبة حطوني
ونادو اربعة علشان يشيلوني
ماشيين بيا بسرعة ولا القطر
علشان يلحقو يصلو عليا بعد الظهر
و بعد الصلاة شالوني تاني علي الاكتاف
علشان يودوني القبر ال منه كنت بخاف
وكل اصحابي و حبايبي ماشيين ورايا
بس بعد شوية هيسبوني و محدش هيكون معايا
وصلنا خلاص للقبر قوام
و في اللحظة دي سكت الكلام
كل الناس كانت بتودعني
وانا بنادي عليهم بس مين يسمعني
و شايف امي واقفة معاهم
بتبكي و بكاها ويا بكاهم
يا امي حرام عليكي متبكيش
والله الدموع مهترجعنيش
و يا اهلي و اصحابي متنسونيش
واوعو تبكوا عمر الدموع ما هتخليني اعيش
خلاص جت اللحظة وف قبري نزلوني
فكو الكفن شوية و بالتراب دفنوني
و قالو يا رب يا كريم برحمتك
أدخل عبدك باذنك جنتك
وخلاص سبتك يا دنيا في ثانية
و فهمت قوي معني كلمة الدنيا فانية
وانت دورك هييجي هييجي
وتقول منفعنيش استهتاري و تهريجي
وكمان انت كدة كدة هتموت
يلا اعمل حاجة قبل العمر بيك ما يفوت
علشان متجيش يوم القيامة
و تقول يارتني ما مشيتشي في سكة الندامة
يوم ميغيرش فيه حاجة البكا
وتقول يارتني صليت و صمت و طلعت الزكا
كان كل همي تجميع الاموال
بأي طريقة ولو حتي نصب و احتيال
يارتني استفدت بوقتي و مضيعتوش في العدم
قول مهما تقول ساعتها مينفعش الندم
لسة قدامك الفرصة لو دلوقتي تبت
و بعدت عن الحرام وعن الكدب سكت
حتي لو كانت عندك جبال سيئات
برحمة الله و عفوه كلها تتقلب حسنات
و بعد ما خلصت كلامي بهديلك سلامي
و برجع افكرك ببداية كلامي
يا نفس حرام عليكي كفاية ذنوب
و يا قلبي يلا قوام بسرعة توب
خلي الموت دايما قدام عينيك
والله العمر بسرعة هيجري بيك
*** *** *** ***
تحياتي للجميع
[/size]
|
|
ذات
اعلام خاصة : 
الجنس : عدد المساهمات : 29519
تاريخ التسجيل : 12/02/2010
الموقع : رشيد - مصر
| |
ملاك
الجنس : عدد المساهمات : 31
تاريخ التسجيل : 20/02/2010
الموقع : الجزائر
المزاج : معتدل
| |
