عمرها ما تمل مني

بقلم - محمد حمدي

هي اكتر حد قاري
كل فكرفي عقلي شارد
هي واثقه إني طفل
لكن من جوايا مارد
هي فاهمه كل حاجه
بس بإحساسها اللي بارد
بتحاكيني بالإشاره
وتعشش فيا السكات
بتراضيني ببتسامه
طاله من قلبي اللي مات
جوا عينها بلاقي نفسي
حد تايهه من سنين
حد مش عارف حقيقته
وهي عارفه انا ابقي مين !!
من طفولتي صريح معاها
وعمري ما لبست القناع
لما اكون واقف قصادها
ببكي ع العمر اللي ضاع
بتخطف قدامها ديما
وابقي رافض تاني اغيب
كل مره بشتكيلها
من فراق اغلي حبيب
تدمع وتخبي الدمعه
وتلملم في عنيا الوجع
عمري ما قابلت ف حياتي
حد ذيها كان جدع
ان وقفت قدامها ساعه
عمرها ما تمل مني
مهما اشكي جراحي ليها
برضو تسمعني بتأني
واللي اصعب إنها
تتحمل وقت اما اغني
كل حاجه ..........
واي رد .. فعل مني
مصدقاه
كل نظره وراها دمعه
كل كلمه والف آه
كتماهم في ضي عينها
وبتحاول تمحي الرتوش
اصلها مخلوقه تفرد
كل تجاعيد الوشوش
عن المرايا أتحدث

» جين عجوز عمرها 90
» قريه ايرانيه عمرها 12 الف سنه
» لم تقص شعرها منذ كان عمرها ٥ أعوام
» طفلة بريطانية عمرها 13 عام...
» "عجوز عمرها 70 سنه تلد توئم "