ما عادها تفرق معى

خذ راحتك .. ماعادها تفرق معي
تبي تغيب ونفتـرق خـذ راحتـك
شكرا على ذوقك .. وبس لاتدعي
إنك صريــح .. وشكراً لصـراحتــك

ماكان غيرك في حياتي .. مطمعـي
في قلبي الأوحد .. وقلبي ساحتـك
من كل درب ودرب .. أسعى لك سعي
وأمواج حبي .. من غلاك إجتاحتــك

كم كنت أحبك .. في الوعي والإ وعي
والأرض أرضك .. والسماء مساحتك
لك كنت خاتم .. وأنت خاتم بأصبعي
وأتعب على شانك .. وأدور راحتك

وتشوف من فوق السحايب موقعي
إلين طيحت النجوم .. وطاحتك
وألحين ماعادت ترى .. تفرق معي
جنتك مابيها .. ولا تفاحتـــك !!

» كثرة العتاب تفرق الأحباب
» كيف تفرق بين الإنفلونزا العادية وكورونا
» علامات تفرق بين الرجل البخيل والحريص
» علامات تفرق بين الرجل البخيل والحريص
» علامات تفرق بين الرجل البخيل والحريص