أبيات شعر الضيقة

ابيات شعر عن الضيقه


ابيات شعرية قيلت في الهم و الغم و الضيقة التي قد تصيب أيا منا :


ضاق صدري وعيني بالدموع ذرفت ,, واتصبر واقول الصبر عيا يفيد


اجحد اجروح قلبي والدموع كشفت ,, كل مامسح دموعي المدامع تزيد

..........

يا ضايق الصدر بالله وسع الخاطر ,, دنياك يازين ما تستاهل الضيقه


الله على ما يفرج كربتك قادر ,, والله له الحكم في دبرة مخاليقه

..........

الصدر ضايق والجفن سد عالي ,, يحبس وراه أسرار وأحزان ودموع


أجلس مع أخواني وكنّي لحالي ,, أتصنّع البسمات والقلب موجوع

.........

يالايمي غارات الايام قتاله ,, ولو تكثر من اللوم ماعاد يمديني


دخيلك تخلي ضايق الصدر في حاله ,, تراني على حد البكا لاتبكيني

.........

لا ضاقت الدنيا عليك وتشاويت ,, خلق الله اللي في الرخا كان واجد


ومن العرب والصوت والثوب مليت ,, وقامت عليك اهموم بقعا تراجد


فارافع يديك لخالقك لا توضيت ,, وادعو تراك اقرب الى صرت ساجد

........

يمر يوم وكل يوم يمر أحس أني حزين ,, أمسي على ضيقة صدر وأصبح على ضيقة صدر


قالوا الفرج عقب الصبر قلت الصبر همٍ دفين ,, قالوا الوفي طبعه وفي قلت الزمن كله غدر

........

ياصدري اللي من الضيقه تقوم وتطيح ,, تكفى اقهر العاذلين بضيقتك وابتسم


عطني طرب غصب عن كف الزمان الشحيح ,, وانا باواعدك واعاهدك واقسم قسم


لعطيك رجلٍ ليا منه وقف ما يزيح ,, لو تقسم صفوف خلق الله ما ينقسم





قصيدة اخرى في الضيقة و الحزن :

تسولف لي عن الضيقه وانا كلي ألم وأحزان

وأنا من وين ماناظر بعيني شفـت ضيقاتـي




تسولف لي عن الضيقه وأنا عنوان للحرمـان

دخيلك لا دخيل الجـرح لا تكشـف معاناتـي




دخيلك لا تشجعني أسولف وأكسـر الكتمـان

تعبت من السكوت اللي تعود يسكـن بذاتـي




عليم الله مافيني شبر يضحك فرح وأشجـان

وأنا لو جيت ابضحك لك أجيك أضحك بدمعاتي




حياتي شعر(ن) وشاعر وجمهوري بقايا انسان

ونقـادي زمـن قاسـي ولا يفهـم كتاباتـي




أناظر للبشر حولي أحد يضحك أحـد طربـان

وأنا صعبن علي أضحك أسايرهم بضحكاتـي


عجزت أكذب على نفسي بفرحه ما بها ألوان

وحزني ما عجزعنـي بـدا يرسـم نهاياتـي




طريقي صعب وجروحي كثير وداخلي ضميان

أبي لو يوم واحـد أحـاول أجمـع شتاتـي


أنا قصه تبعثـرت وتطايـرت بزمـن خـوان

تعلمت أخسر البسمه وأداري عضـة شفاتـي




أبكتب لك وبالخط العريض وريشـه الفنـان

أنا الخسران توقيعي وانا الخسران بصماتـي


أكمل لك عن الضيقه اكمل لك عـن الأحـزان

تأكد لو بكمل لـك تصيـح وتطلـب سكاتـي

مماراقلي