غلبان وووو

غلبـــان .. وساكت .. وبـــالع زلطــة ..
جـابولي الضغط .. جابـولي السّكتـة ..
طيب أروح فيـن .. .. وللا آجي منين ..
وإن صرخـت .. .. مين يسمـــع مين ..
ده أنا يا نــاس .. بأدن .. في مالطـة ..
*****
ليه يا بلدي ..
الغلبــان فيــكي .. .. مالــوش تمّــن ..
ليه الكل جـاي علـيه .. .. مع الزمـن ..
عشموني بالحلق .. خرمت أنا وداني ..
وزي ما ضيعــوا .. .. عمــري الأول ..
ضيــّـعوا .. كمــان التــاني ..
*****
ليل .. نهار .. يا بلدي
ألف في شوارعـــك .. .. بهمــومي ..
أخانق نفسي .. وأخانق في هدومي ..
وأفضــل ماشي .. أقابـــل في نـاس ..
نـاس يصبروني .. .. وناس يعشموني ..
ونــاس في تليفزيونــات ..
طالعـــين .. ينقطوني ..