مصر المحروسة

يا مصر الاصل فيكى زقاق يفتح ببان الرزق على حارة الصنيعية .. نازلين فحت وبنى وزواق .. ماهما دول ولادك الفواعلية .. اللى بيحموكى ويصنوكى .. ما هو اصل ابن البلد دمه حامى .. يبيع عمره فدا عرضك ويعديه الشط بمعدية .. ياما جالنا من الخلق اشكال والوان .. هكسوس تتر وتركمان .. وكام جيش جرارعلى بابك داق المرار .. ما انتى ام الدنيا يا بهية .. منك خرجت عمامه وبدلة وجلابية .. وحتى الغريب بيدوب ف المصراوية .. نف...سى اسوق مركب بمجداف .. وابحر ف بحرعيونك يا صبية .. ما اصل انا ملاح تايه بفكرى .. ما بين العشق والملاغية .. دا اللى بناكى يا مصركان فى الاصل فكهانى .. رسم خدودك فراولة .. والصدر منجه .. والشعر بدنجانى .. العيون برقوق .. والخصر كمتره .. ورش على الشفايف شهد العسل .. كل لما ادوق ارجع ادوق تانى .. الريحه مسك وعنبر ..و القوام كافور يمشى على البر يتغندر .. والوش لون النيل يشبهه فى صفاه .. والادين ممدوده بالحب لكل خلق الله .. ما هي دى مصر يا طماعين يا متآمرين .. ادخلوها بسلام آمنين

.. كما ذكرها الله !!!