اعلام خاصة : الجنس : عدد المساهمات : 138917 تاريخ التسجيل : 11/12/2010 الموقع : مصر أم الدنيا - اسكندرية المزاج : الحمد لله معتـــــــدل
موضوع: من اغرب الامراض النفسية ..!!(منقول) الثلاثاء 30 يوليو 2013 - 10:55
الطب النفسي عالم كبير شيق ومايقتصر بس على "معالجة المجانين" زي ماهو شائع عندنا ممتع ويتيح لك تكتشف نفسك أكثر أو الأشخاص حولك أو حتى تطوير بيئتك نفسيا يكفينا منه التفكر في كيفية نقل الأعصاب لردات الفعل لما نشوف أشياء بسيطة زي الألوان ! لكن أعتقد أكثر شيء مشوق في هذا العلم هو "الأمراض" ..
توهم كابجراس Capgras Delusion المريض المصاب بهذا المرض يتوهم ان الأشخاص اللي حوله مو هم نفسهم ! مو أمه مو أبوه مو أصحابه ! يتوهم انهم استبدلوا بناس يشبهونهم ! ومو أي ناس .. لا ناس شريرين واحيانا يفكر المريض ان هالأشخاص حابسين عائلته الحقيقية او قتلوهم وانه هو "التالي" سبب التسمية يعود لعالم النفس الفرنسي جوزيف كابجراس Joseph Capgras تم تجسيد هذا المرض في بعض الأفلام زي : Total Recall و Invasion of the Body Snatchers
توهم فريجولي Fregoli Delusion
هذا توهم نادر وهو عكس توهم كابجراس ، المريض هنا يتوهم ان كل الأشخاص اللي حوله هم بالأساس شخص واحد يغير شكله دائما عشان يلاحقه و يزعجه سبب التسمية يعود لممثل ايطالي اسمه ليوبولدو فريجولي Leopoldo Fregoli واللي اشتهر بسرعة تغيير مظهره على المسرح.
توهم كوتار Cotard delusion
المريض هنا يتوهم بإنه ميت أو غير موجود أو إن أعضائة الداخلية فاسدة أو متوقفه أو غير مو جوده ! أو زي مايسمون هذا المرض "الجثمان السائر" أو "متلازمة الميت الحي" سبب التسمية يعود لأول من لاحظ هذه الحالة وهو طبيب الأعصاب الفرنسي جوليوس كوتار Jules Cotard
اعتلال الذاكرة المتكرر Reduplicative paramnesia
المريض هنا يعتقد انه ممكن يكون في مكانين "متشابهين" في نفس الوقت ، أو ان المكان نفسه يتكرر أكثر من مرة ، أو انه نُقل من مكانه لمكان آخر يشبهه يعني يعتقد ان هذا مو عالمه اللي عاش فيه من قبل هذا بس عالم يشبهه ! وهنا يبدأ المريض رحلة البحث عن الاختلافات بين المكانين حتى يثبت لنفسه انها بالفعل مكانين مو مكان واحد اول من لاحظ المرض وسمّاه بإسمه هو عالم الأعصاب "أرنولد بيك"
متلازمة اليد الغريبه Alien Hand Syndrome
هو اضطراب عصبي في وحده من اليدين أحيانا يكون عشان الشخص يعتمد على نصف واحد من الدماغ اكثر من النصف الثاني الأشياء اللي تسويها اليد غالبا تكون مزعجه ومالها هدف زي نتف الشعر وفك ازرار القميص أو اللكم والخنق والمريض مايقدر يتحكم فيها او يوقفها ! ومن القصص عن هالمرض ، انه فيه وحده عجوز دخلت المستشفى بعد ماصار لها تلف بالمخ وقالت للأطباء ان فيه شبح يسحب يدها دائما ، وحذرتهم من يدها بس محد صدقها لين ما اليد حاولت خنق واحد من اللي يشتغلون بالمستشفى وما وقفت اليد على هنا ، اليد نفسها ربطت على رقبة العجوز المسكينة حبل وكانت تسحبة تحاول تخنقها ! قد شفت فيلم عنه بس نسيت اسمه
الببلومانيا أو هوس جمع الكتب Bibliomania
في بداية المرض الواحد بس يصير يبتهج لا شاف كتب كثير وبعدين يصير وده يقرآ أي كتاب من أي نوع !حتى لو بلغه مايفهمها وشوي شوي يبدأ يجمع كتب على افتراض انه ممكن يحتاجها في يوم قمة السعادة عنده انه يحضر معارض الكتب -أحيانا يوصل بالمريض إنه يشتري أكثر من نسخة للكتاب نفسه ! و أحيانا سرقة الكتب ! أو إذا احترق بيته اول شي ينقذه هو الكتب ! وفي حالات شاذة يأكلون الكتب ! وفيه قصه ان واحد من الببلومانيين عزم أصحابه وقدم لهم شوربه بأوراق مغليه من دواوين احد الشعراء تخيل انهم يقدرون يعرفون عمر الكتاب من صوت الورق أو من لمسها ومن أشهر المصابين بهذا المرض من العلماء الأوائل هو (ابن الملقن) اللي صار مجنون لما فقد كتبه، وفيه بعد واحد اسمه ستيفن بلومبرغ اللي أدانوه بسرقة 20 مليون دولار عشان بس يشتري كتب
الموقع
موضوع: من اغرب الامراض النفسية ..!!(منقول) 
الثلاثاء 30 يوليو 2013 - 10:55
