الدكتور ابراهيم الفقى بيقول :
واحده بتقول دكتور .. انا اطلقت
قلتلها اللى بعده
قالتلى ايييه
قلتلها اللى بعده
قالتلى يعنى ايه
قلتلها انتى عارفه فيه كام راجل بالعالم
قالتلى لا
قلتلها فيه 2,3 مليار شوفتيهم كلهم
قالتلى لا
قلتلها يبقى اللى بعده يا ضنايا لما يخلصوا كلهم ابقى تعالى ازعلى
واحده تقلك سابنى وتقعد تبكي والتانيه تقلك الله اكبر اللى بعده البحر
مليان سمك تقلك بس ده كسرلى قلبى ماخلاص مشى
لو تمسك فى اى انسان عايز يسيبك هتفقد حياتك بحالها
عمرك ما تكون خيال بتاتا لاى انسان مهما كان
طالما شخص قرر يسيبك وانت تبغا تقعد معاه بالعافيه يبقى لازم تتنازل
وكل مرة تتنازل هتتنازل زياده لغايه ما تلاقى نفسك اصبحت خياله فاصبحت
ميتله فانت مت لمين اخيرا او على وشك انك تموت لمين حاليا عشان كده من
ضمن الحكم اللى كتبتها (فى خلال رحله حياتك ستقابل اشخاص واماكن واشياء
واحداث وظيفتها ان تساعدك فقط فى هذه المحطه من حياتك وليست لتكمله
المشوار بأكمله لذلك حان الوقت ان تدعهم وشانهم )
شخص خلاص عرفته يبغا يسيبك ..دعه وشأنه
حاجه خلاص راحت ضاعت منك..دعه وشأنه
شغلانه وراحت منك....دعها وشأنها
حدث وحصل .. دعه وشأنه
لان اللى جاى باذن الله هيكون افضل
عشان كده ربنا سبحانه وتعالى مايقفل باب غير لما يفتحلك باب افضل منه
لكن معظم الناس يطالع على الباب المقفول وماياخد باله من الباب المفتوح...
فبيكتئب لانك مخدت بالك من روعه الله سبحانه وتعالى وطول ما انت ماشى
فى الدنيا ياما هتلاقى بيبان مقفوله لان الوقت حاااان ان الباب ده يتقفل ففى
بعض الاحيان تعتقد ان هذه هى نهايه الرحله ثم تكتشف....انها بدايه الطريق
وتعتقد ان الكلام ده كله خلاص خلص وبعدين تكتشف... انه بدايه الكلام
عشان كده كل نهايه لها بدايه وكل بدايه لها نهايه فاذا كانت كل بدايه تؤدى
الى نهايه وكل نهايه تؤدى الى بدايه واذا كانت البدايه والنهايه مكملين لبعض
فاجعل بدايتك حب الله سبحانه وتعالى
الموقع
موضوع: كلمات رائعه للدكتور الفقي 
الأربعاء 6 مارس 2019 - 11:47
