أحـــاســيــــس فــــوضــــــويـــــه
إلى أبعد حدود الآه ياخذني غصِب حزني
.................. مدام إنهم قسوا جهلٍ على روح فـْ منافيها
حملت امْن العَتب أشكال لين إنّه تِعب متني
.................. يعاشوني بلا مَبدا ... و اعاشيهم و أحمّيها
إلين أتذكّر إن جْدالهم : غلطة .. و تكسرني
.................. و أذبح كلمتي بـ صمتي لو إن عْيوني تحييها !
و أنشدني عن المنفى و عن حزني .. و عن مزني
.................. و أجاوبني بلا إذنِ المنافي ... و ما أراضيها
أنا دفتر بلا عْيون اتّهجّاني ... و تفهمني
.................. أنا لوحة .. بلا فرشاه بالألوان تسقيها !
أنا بحرٍ بلا مرفى ... أنا اللي ما دروا إنّي
.................. عجنت امْن الحزِن فرحة تواسيني .. و أبكّيها !
دفنت الآه في جوفي .. و عرفت هالسّما عنّي
.................. كثير أشياء تجهلها الوسيعة و من سكن فيها
كبرت و أضحتْ أحلامي أبَد ما عاد تشبهني
.................. كأنّ العمْر بدّلها ... كأن الصّبْر يشْقيها !
تبعثرني طموحاتي و أدوّر من يلملمني ..
.................. يرتّبني .. وُ يرشدني إلى الفرحة وْ ضواحيها
و خطواتي إلى الآتي ... يسابقها حسِن ظنّي
.................. بأن اللي بقى أجمل من جْروحٍ أداويها
مما راق لي......
موضوع: أحـــاســيــــس فــــوضــــــويـــــه 
الخميس 25 مايو 2017 - 8:15
